Noticias

Albiste berriagoak »

Europa, superpotentzia lasaia

2010-10-04  ¦  Erromako Kluba

“Demografiaz zein ekonomiaz Europa gainbehera ari ote den ideia okerrekoa da” – dio Daniel Innerarity Politika eta Gizarte Filosofia katedradunak, Vocento taldeak argitara emandako artikuluan. Beronen ustez “Europa zerrendaburuan dago nazioarteko eragin zibikoari dagozkion lanabesetan, Gerra Hotzaren ondotik sortarazi zen munduari bereziki komeni zazikion lanabesetan, hain zuzen. Elkarren arteko menpekotasun sakonak dituen munduak guztion arazoak konpontzeko aukerarik aproposenak eskaintzen ditu segurutik. Honengatik esan daiteke, beraz, Europaren susperraldiak jarraitu egingo duela eta superpotentzia lasai gisa kokatuko dela”.

Gehiago irakurri...

Krisia jomugatzat

2010-09-26  ¦  Erromako Kluba

“Gure ahalmenik eza --ekonomian, politikan zein kulturan— ez da krisialdiaren ondorioa, beronen sortzaile nagusia baizik. Errealitate honetaz jabetzen ez bagara eta ez badugu isiltasuna hautsiko duen hitzik aurkitzen, krisia are sakonagoa izango da eta Mendebaldeak bere abantailak galduko ditu. Orduan beranduegi izango da krisia baretzeari ekiteko, ordurako krisia bera izango baita jomuga”. Ezkilak jotze aldera Alain Touraine soziologoak dioena da, gaur El Pais egunkarian

Gehiago irakurri...

Passion for knowledge

2010-09-18  ¦  Erromako Kluba

“Garrantzizkoa da ikerkuntza, ezagutza, krisialdi ekonomikoak hainbat sektoretan eragin ohi dituen aurrekontu-murrizketatik kanpo uztea. Munduko herrialderik garatuenak hastapen hau indarrean jartzen ari dira. Are arrazoi gehiagoz jarri beharko genuke indarrean gainerakook”. Juan Ignacio Pérez Iglesias Euskal Herriko Unibertsitatearen errektore-ohiak egindako aldarrikapena da, Donostia International Physics Center delakoaren hamargarren urtebetetzea dela eta, irailaren 27tik urriaren 1era bitartean eratuko den topaketaren inguruan.

Gehiago irakurri...

Turkia, gero eta urrutiago

2010-08-30  ¦  Erromako Kluba

“Gerra Hotzaren ostean Errusia Mendebaldera hurbildu zen arren, berehala ohartu zen nolabait parekotzat hartua izan zedin egindako ahaleginak alferrik zirela. Era beretsuan, Turkia ondorio berdinetara iristen ari da. Urteak dira Errusiak erabaki zuela bere interesak hobeto defenditzen dituela Asiara begira –bere jatorrizko lurraldera—geografiaz zein txeraz beti ere makurrarazten duen Mendebalde urrunera begira baino. Turkia ildo beretik abiatzen ari da gero eta gehiago”. Igor Filibi Euskal Herriko Unibertsitateko Nazioarte Harremanen irakaslearen iritzia da, gaur Deia egunkariak argitara emana.

Gehiago irakurri...

Ikasten ikasi eta pentsatzen ikasi

2010-07-16  ¦  Erromako Kluba

Gure belaunaldia bere bizitza guztian zehar aritu izan da eredu berri bila, maila guztietan eta hainbat hamarkadatan. Bilakuntza horrek aldatzeko jarrera eskatzen du, baina baita asmatzeko, diseinatzeko eta indarrean jartzeko gaitasuna ere, Gerardo Del Cerro azterlariak esana Deia egunkarian. Eta ikasten ikasi zein pentsatzen ikasi proposatzen du, hau da jakintzaren edozein arlotako oinarrizko hastapenak norberaganatzeko gaitasuna eta hainbat jakintza-arloren arteko oinarrizko kontzeptuak itzultzeko gaitasuna

Gehiago irakurri...

Lehiakortasunaren baldintza berriak

2010-07-15  ¦  Erromako Kluba

Epe ertainez, giza-eskubideak, lan-eskubideak, ingurumen-eskubideak eta txirotasunaren aurkako ekintzak defenditzen dituzten enpresak baino ez dira lehiakorrak izango. Finantza-gardentasunari, informazio-gardentasunari eta iruzurra ekidin beharrari zor zaizkion baloreak gizartearen irudipenaren baitan erroturik daude honez gero. Eta jokamolde hauetan, lehiakortasunari dagozkiokeen baldintzarik gehienetan bezalaxe, hobe da aurrenekoetan aritzea atzenengoetan baino, Aner Garmendia, Ega Master enpresaren zuzendari nagusia, mintzo gaur, Vocento taldearen euskal egunkarietan.

Gehiago irakurri...

Ugazabarik gabeko mundua

2010-07-13  ¦  Erromako Kluba

Mundua azaltzen zaigu ororen errealite gisa, ugazabarik gabe, non izugarri zaila den erantzukizunak finkatzea eta eskuduntzak zehaztea. Dugun egiturarik eza jabego-kontzeptuaren eraldaketa sakonari dagokio. ‘Jabegorik gabeko’ kapitalismoaren aurrean ote gauden sumatu daiteke dio Daniel Innerarity irakasleak El Correo egunkarian. Eta ezarri: Krisialdi ekonomikoak nabarmendu dituenetakoa zera da: edo gauza gara jabedun kapitalismoaren baitan Estatuek bete ohi zuten funtzioaren parekorik egin dezakeenik, edo gaur egungo jabegorik gabeko kapitalismoak geure gizarte zibilizatuetan nekez onartu ditzakegun merkatu-eragozpenak erakarriko ditu.

Gehiago irakurri...

Europar jarrerak dira benetan aurrerakoiak direnak

2010-07-08  ¦  Erromako Kluba

Aurrerakoia omen da kontsumoa suspertzeko Estatuak diru asko xahutu dezan Obamak egindako proposamena eta kontserbatzailea, aldiz, sarrerak eta irteerak orekatzeko Merkelek egindakoa. Horren arola eta manikeoa da eze, guztiz sinesgarri ematen baitu, Juan Ignacio Pérez Iglesiasen iritzia, gaur, El Correo egunkarian. Eta ezartzen du: larre motza, kontsumo arduratsua eta inguruarekiko begirunea ditut maite. Eta, ene ikuspegiz behintzat, susmoa dut eztabaida guzti honetan ez ote diren europar jarrerak aurrerakoienak. Ez dut inondik ere ulertzen nola oraintsu arte garapen iraunkorraren buruzagitzat agertzen zirenak diren orain neurribako kontsumoa sutsuen aldarrikatzen dutenak, nahiz eta hitz hauek erabili ez

Gehiago irakurri...

Guggenheim, marka-kontua

2010-07-04  ¦  Erromako Kluba

Beldur naiz, ordea, eztabaida ez dela Bastidaren eraikina kultura-ondare den ala ez. Beldur naiz ez diotela inolako aukerarik emango arkitektura lehiaketari. Beldur naiz Guggenheim markari ez, erabaki sendoa dela; eta aspaldi hartua, gainera. Baina ez dut ulertzen zergatik Guggenheim markari ez, Miren Azkarate, gaur, Deia egunkarian.

Gehiago irakurri...

Belgika: ez hausturarik, ez hondamendirik, eredu europarra baizik

2010-06-27  ¦  Erromako Kluba

Gerard Mortier Madrilgo Errege Antzokiaren arte-zuzendaria flandriarra da eta, ikuspegi honetatik, Belgikako azken hauteskundeetan N-VA alderdiak izan duen garaipenaz hainbat hausnarketa egiten du gaur El País egunkarian. Haren ustez, gertatua albiste ona da eta ez dator inondik ere bat Europako prentsan egin izan diren azterketarik gehienekin. Horra, froga gisa, Bart de Wever buruzagi flandriarrak eta Elio di Rupo sozialista waloien lehendakariak zein azkar eskua luzatu dioten elkarri.Mortier-en iritziz, gertatua ez inondik ere Belgikaren haustura erakarri dezakeen hondamendia, waloiek eta flandiarrek elkarrekin indarrean jarri dezaketen arau oneko konponbidea baizik, Europaren etorkizunerako eredegugarri izan daitekeena.

Gehiago irakurri...

Albiste zaharragoak »